دايما صاحب البيزنس بيركز كل انتباهه على آخر خطوة وهي الإعلانات والتسويق للمنتج أو الخدمة
لكن…
المفروض في البداية يركز على ٤ خطوات رئيسية. والخطوات دي وجهين لعملة واحدة
- جانب خاص بالعميل
- وجانب خاص بصاحب البيزنس
خلينا نبدأ 👇
ما هي ال 4Ps؟ #
1- Product (المنتج) #
لازم تتأكد ان المنتج بيحل مشكلة للعميل وانه مرغوب فيه في السوق
2- Price (السعر) #
السعر عليه عامل كبير جدا طبعا في تسويق المنتج وده مش معناه انك تبيع ارخص من المنافسين. التسعير ليه استراتجيات كتير سواء منتج أو خدمة لازم السعر يكون مناسب للسوق وللعميل اللي بيستفيد من المنتج
3- Place (المكان) #
هل هتبيع المنتج online أو off-line أو الاتنين
لو online: اختار القنوات التسويقية المناسبة للعميل بتاعك اللي بيكون متواجد عليها
لو off-line: لازم تختار المكان المناسب لنوع البيزنس واللي برده العميل بتاعك بيكون متواجد فيه او سهل يوصل اليه.
لو الاتنين: فانت في الاغلب هتتجه لموديل ال omni-channel
4- Promotion (الإعلان) #
هي أخر خطوة وهي المرتبطة بالاعلان عن المنتج أو الخدمة واختيار القنوات التسويقية المناسبة والميزانية المناسبة والمحتوي المناسب
نروح بقا علي ال 4Cs وهي خاصة اكتر بصاحب البيزنس:
ما هي ال 4CS؟ #
1- Customer (العميل) #
صاحب البيزنس بيكون تفكريه منصب علي العميل وازاي يقدر يحل مشكلته بالمنتج اللي بيقدمه
2- Cost (التكاليف) #
التكاليف عموما سواء ثابته أو متغيرة وعلاقتها بسعر المنتج وازاي المنتج يقدر يكمل في السوق وتحقق النمو اللي انت مخططله.
3- Communication (التواصل) #
ازاي هتتواصل مع العملاء علي حسب القنوات التسويقية اللي هتختارها سواء وجها لوجه لو هتشتغل علي الارض أو ايميل او اتصال او عن طريق وسائل التواصل الاجتماعي.
4- Channels (القنوات التسويقية) #
في استخدام الاعلانات المدفوعة لازم تختار القنوات التسويقية بحرص وتعرف البدجت لكل قناة والتركيز هيكون علي ايه.
اتمني اكون وقفت في توصيل معلومة مفيدة ليكم. لو عندك اي سؤال أكتبلي في تعليق أو اسال سؤال مختلف من الصفحة الرئيسية.
